Sa pagdumdom it World Health Day ku nagtaliwan nga Abril 7, 2026, ginpaathag ni Dr. Philip Ian Prieto Padilla, health expert ro importansya it nasmabit nga programa.
Suno kana, ro World Health Day nga may tema sa makaron nga “Together for Health, Stand with Science” hay gin-tukod it World Health Organization para nga i-promote ro ikaayong eawas sa bilog nga kalibutan.
Ginapamilit it nasmabit nga tema nga dapat tanan nga desisyon ag basehan sa ikamayad nga eawas hay halin sa siyensya.
Dugang pa nana, gina-promote man it WHO kaibahan ro Departement of Health (DOH) ag PhilHealth ro RA 11223 nga nagatuyo nga taw-an it access ro tanan nga Pilipino sa universal healthcare.
Sa idaeom it nasambit nga tikang, makabaton it libreng serbisyong medikal ag bueong ro tanan nga pumueuyong Pilipino.
Paathag man ni Dr. Padilla, obligasyon it kada indibidwal nga mag-angkon it kasayuran ag mag-usoy it solusyon parte sa ikamayad nga eawas nga nakabase sa siyensya.
