Igapaguwa sa impeachment proceedings ro mga sobre nga gintao sigon ni VP Sara Duterte sa mga opisyal it Department of Education (DepEd), suno sa House Committee on Justice.
Ginpatawag it komite si Marivic Pareja, director it House Legislative Archives agud ipaguwa ro mga rekord ag ebidensyang ginsumite sa mga naunang pagpamati it Committee on Good Government ag Public Accountability.
Kaibahan kara ro testimonya ni dating DepEd Undersecretary Gloria Mercado nga nakabaton sigon imaw it mga sobre nga halin sa opisina ni Duterte.
Suno sa mga naunang pagpamati, ginapahayag nga may sueod nga kwarta ro mga sobre nga ginatao sa pilang opisyal it DepEd, kaibahan ro mga miyembro it Bids and Awards Committee.
Pila sa mga raya hay may sueod nga P12,000 hasta it P15,000 kada isaea.
Padayon nga ginaimbestigahan it House Committee on Justice kon may bastanteng basehan ro mga reklamong impeachment agud makasaka ro kaso sa Senado para sa pormal nga pagbista.
