Ginkwestyon ni Senator Erwin Tulfo ro nagairal nga sistema it gobyerno sa pagpili it mga benepisyaryo it ayuda, kasunod it kabaeaka nga pwede gihapon raya nga magamit sa pamulitika, kapin eon sa lebel it lokal nga gobyerno.
Sa pagpamati it Senado, direktang ginkutana ni Tulfo ro Department of Social Welfare and Development (DSWD) kon sin-o ro may kontrol sa pagtumod it mga makabaton it bulig, kon ro ahensya baea ukon mga lokal nga opisyal kaparehas it mayor ag gobernador.
Suno kay DSWD Assistant Secretary Edmon Monteverde, maskin nga nagabaton ro ahensya it rekomendasyon halin sa LGUs ag iba pang organisasyon, nagapaidaeom gihapon ro tanan nga pangaean sa maid-id nga eligibility assessment.
Suno kana, kapin sa 60% it benepisyaryo hay halin sa listahan it Pantawid Pamilyang Pilipino Program (4Ps), samtang ro nabilin nga 40% hay ginabuoe halin sa iba pang kubos nga sektor nga uwa naieakip sa programa.
