Nagpanawagan si Rep. Rufus Rodriguez sa kay Pangueong Ferdinand Marcos Jr. nga insigidang suspindihon ro excise tax sa diesel ag gasolina agud mabuhinan ro epekto it padayon nga pagtaas it presyo it langis sa nasyon.
Sa pagpamati it Joint Committee on Energy at Economic Development, gin-insister ni Rodriguez ro anang pagkadismaya sa kakueangan it aksyon halin sa ehekutibo, sa pihak it naipasa eon it Kongreso ag Senado ro laye nga nagatao it gahom sa Presidente nga suspendihon ro excise tax.
Ginsambit man nana ro India ag South Korea hay nagbuhin it excise tax, samtang ro Japan ag Pakistan mat-a hay nagagamit it subsidy ukon price control.
Ginapamaeabagan ni Rodriguez ro pahayag nga ro manggaranon eamang ro makapanipueos sa tikang ag gin-insister nga dapat buligan ro tanan nga sektor, kapin eon ro middle class nga suno kana hay grabe man nga naapektuhan.
Gin-engganyo man nana ro Department of Energy ag DBCC nga laygayan it uman ro Presidente ag gin-insister nga ro suspensyon it excise tax ro insigidang tikang agud mabuligan ro ginatantyang 119 milyong Pilipino.
