Sa ulihing parte eon it pagpahaum ro Department of Education (DepEd) ag Provincial Government it Agusan del Sur para sa 2026 Palarong Pambansa, kadungan it pagpatuman it mas hugut nga safety ag health protocols bago ro pagbukas sa Mayo 24.
Suno sa mga organizer, igabutang sa late afternoon ag evening hours ro mga hampang agud nga malikawan ro heat-related risks sa mga student-athlete.
Ginpamilit ni DepEd Secretary Sonny Angara nga nagapabilin nga prayoridad ro kamaeayran it mga atleta.
Magapatuman man it mas hugut nga hydration measures ag pagasiguraduhon ro dere-deretso nga suplay it tubi sa tanan nga venue.
Suno kay Agusan del Sur Governor Santiago Cane Jr., masobra sa 97 porsyento eon nga kumpleto ro infrastructure preparations matapos ro daywang dag-on nga preparasyon. Dugang pa nana nga adlaw-adlaw ro pag-abot it mga kagamitan para sa mga hampang ag igapaidaeum raya sa dry run bago ro aktwal nga kompetisyon.
Naka-activate man ro mga komprehensibong safety measures kaibahan ro 24/7 police visibility, emergency medical teams ag ambulansya, operational emergency operations center, ag mga disaster preparedness simulation kapareho it fire ag earthquake drills.
Suno kay DepEd Caraga Regional Director Maria Ines Asuncion, ro pagpahaum it probinsiya hay nagataeana it mataas nga sueundanan para sa mga susunod pang national sporting events.
Ginaeauman nga pagadaehon it 2026 Palarong Pambansa ro masobra sa 20,000 atleta, coaches, ag opisyal halin sa 18 rehiyon sa bilog nga nasyon.
