Napili ro banwa it Numancia bilang sambilog sa mga benepisyaryo it Indian Grant Assistance for Quick Impact Project (I-QIP) it gobyerno it India.
Sa paagi it programa, napatindog ro ₱2.5-milyong Working and Training Hall Building sa Agri-Demo Farm sa Barangay Aliputos, Numancia.
Tuyo it pasilidad nga mag-serbeng lugar para sa mga pag-ensayo ag iba pang aktibidad nga magapabaskog sa agrikultura ag pangabuhian it mga residente it nasyon.
Napatuman ro proyekto sa pagbueuligan it lkokal nga gobyerno it Numancia ag it Department of the Interior and Local Government (DILG), sa idaeom it pagdumaea nanday Regional Director Juan Jovian E. Ingeniero ag Provincial Director Dino A. Ponsaran.
Nagpahayag man it pagpasaeamat si Rogelio “Ogie” Enero II, sa ngaean it lokal nga gobyerno, sa padayon nga suporta ag pakikipag-bueuligan it gobyerno it India sa mga proyektong naga-tuyo nga mapa-umwad ro banwa ag mga komunidad kara.
