Posibleng uman eon man nga magtaas ro presyo it diesel ag gasolina sa masunod nga domingo sa Pilipinas, partikular sa Mayo 19, tuga it uman nga pag-init it tensyon sa Middle East.
Suno sa sangka industry source, posibleng magtaas ro diesel it P2 hasta P2.50 kada litro, samtang ro gasolina hay posibleng magtaas it P0.75 hasta P1.25 kada litro, base sa paunang datos halin sa Mean of Platts Singapore ag hueag it foreign exchange.
Ginpahayag it source nga uman nga nagbaskog ro upward pressure sa diesel bangud sa pagtaas it presyo it krudo matapos ro pag-grabe it geopolitical risks sa Middle East. Nagapabilin man sigon nga “structurally tight” ro diesel market bangud sa pagnaba it inventories ag normal nga seasonal demand.
Ginaeauman man nga magataas ro presyo it gasolina bangud sa mas hugut nga global supply tuga it pagnaba it imbentaryo ag nabawasang refinery output sa Asia.
Suno pa sa report, nabudlayan ro mga refinery sa rehiyon sa produksyon ag napilitang gumamit it mas maugan nga klase it krudo bangud sa kakueangan it supply halin sa Middle East.
