Nakataeananag ipasaka makaron nga dominggo it Office of the Ombudsman ro kasong plunder kontra kay Senador Jinggoy Estrada angot it iregularidad sigon sa mga flood control projects.
Suno sa ahensya, paga-permahan anay ro information antes raya ipasaka sa Sandiganbayan, ag ginaeaumang masumite sa Huwebes, kaibahan ro iba pang kasong graft ag direct bribery.
Base sa rekomendasyon it Department of Justice, kaibahan man sa mga posibleng ginkasuhan si dating Public Works Secretary Manuel Bonoan ag iba pang opisyal, samtang ro pilang indibidwal hay posibleng ubrahong state witnesses bangud sa importanteng testimonya.
Nalista sigon ro pagdihon it kaso bangud sa pag-ayos ag pagklaro it mga dokumento para mas mapabaskog ro ebidensiya.
Mahugot man nga ginpamalibaran it kampo ni Estrada ro mga akusasyon ag ginpamilit nga uwa it bastante nga ebidensyang maga-konekta kana sa mga gina-alegar nga kickbacks.
