Nagapatigayon ro Land Transportation Office (LTO) it sangka outreach program kun sa siin may anda karang ginahimo nga mobile registration sa mga naila mag renew it andang papeles, ag mobile issuance of drivers license para mat-a sa mga naga-buoe it andang mga student permits.
Suno kay Engr. Marlon Veles, chief it LTO Kalibo, tuyo kara nga daeahon paeapit sa mga igmanghod ro andang serbisyo.
o mga partikular nga mga kabanwahan nga maga-panipueos sa nasambit nga inisyatiba hay ro banwa it Altavas, kun sa siin ginataeana ro Hunyo 1-3 nga schedule, masunod ro banwa it Malinao kun sa siin igapatigayon raya halin Hinyo 4-5, ag sa banwa it Libacao sa maabot nga Hunyo 8-10 it presenteng dag-on.
Ginpunto nana nga antes paman ipatigayon ro LTO on wheels hay nagpatigayon eon sanda it libre nga theoretical driving course seminar, nga ginakabig nga unang tikang para makabuoe it student’s permit.
Mageuwas pa kara may daea man sanda nga smoke emission test ag pati eon man insurance.
Madumduman nga may ginpatigayon man sanda nga pagpanupod it scholarship para sa pagbuoe it lisensya, kun sa siin 48 ka mga benefeciaries ro nakaangkon kara.
