Gintamaan it long-range drones it Ukraine ro sangka oil terminal sa St. Petersburg, Russia nga nagtuga it mabahoe nga sunog ag madamoe nga aso sa port area, suno kay Ukrainian President Volodymyr Zelenskyy.
Ginpatigayon ro pag-atake samtang may ginahiwat nga international economic forum sa syudad.
Suno sa Ukraine, maosbra 1,000 kilometro ro ginbyahe it mga drone bago tumama sa target.
Ginkumpirma it Russia ro insidente ag ginreport ro temporaryong pagsarado it airport ag pagka-delay it komunikasyon.
Padayon ro baeayluhan it drone ag missile strikes sa tunga it Russia ag Ukraine, kun siin parehong bahin ro nag-report it kahalitan ag casualties.
Ginreport it Russia nga napabagsak kara ro ginatos nga Ukrainian drones, samtang ginhambae man it Ukraine nga kaabuan sa Russian drones hay naharang man.
Sa tunga it kontrahan, padayon ro kahalitan sa mga imprastraktura kapareho it oil facilities, military bases, ag industrial sites, kadungan it mga report it sibilyang namatay ag naninahan.
