Ginpasugtan it Sandiganbayan ro mosyon it 80-anyos nga dating Department of Public Works and Highways (DPWH) Secretary Manuel Bonoan para sa hospital arrest.
Gintumod it Sandiganbayan ro humanitarian grounds bangud sa kagueangon ag medical conditions ni Bonoan.
Suno sa Fifth Division it Korte, iga-confine si Bonoan sa Philippine National Police (PNP) General Hospital sa Camp Crame, Quezon City, imbes nga sa The Medical City kun sa siin raya gin-confine samtang pending ro anang kaso.
Nauna eon nga ginpahayag it kampo ni Bonoan nga naga-angkon imaw it nagkaeain-eain nga nga medical conditions nga gineakipan it acute coronary syndrome, heart failure, hypertension, Type 2 diabetes, CKD ukon chronic kidney disease, carcinoma, prostate cancer, ag spine pain.
Ko May 28, nag-file ro Office of the Ombudsman it mga kaso nga plunder ag graft sa Sandiganbayan kontra kanday Estrada ag Bonoan angot sa gina-alegar nga illegal budget insertions ag kickbacks may kaangtanan sa DPWH infrastructure ag flood-control projects nga ginpondohan sa idaeum it Fiscal Year 2025 budget.
