Ginkwestyon ni Leodegario “Ka Leody” De Guzman, national president it Partido Lakas ng Masa (PLM) ro kredebilidad it mga testimonya it mga nagpakilaeang 18 dating marines.
Suno kana, nagapati sigon imaw nga may nakawan sa gobyerno ag may mga male-maletang distribusyon it kwarta eabi eon kat bago mag-eleksyon 2025.
Apang, ro problema sigon sa mga testimonya it mga raya hay maabong ‘inconsistency’ ag madja pagpinuril.
Maabong detalye sa andang testimonya nga uwa sigon naga-tugma sa mga minatuod nga hitabo. Kaya sa ana sigon nga panan-awan hay bukon it ‘credible’ ukon indi dapat patihan ro mga raya.
Dapat sigon nga nagpabilin sanda sa kun alin man nga impormasyon ro andang nasayran, ag uwa eon gindugangan pa bangud nga naga-pati man ro pumueuyo nga may nagakatabo nga korapsyon sa gobyerno.
Paathag ni De Guzman, nagpaeawig basi sanda it datos para nga siguraduhon nga madum-ok ro andang mga gina-turo nga imbolbado sa anomaliya.
Sa makaron sigon nga panyempo, madali nga mapapati ro tawo sa mga nagaeapta nga impormasyon, eabi eon kun taga-suporta sanda it sangka politiko.
