Reconstruction sa Mindanao, pagatutukan it Senado

Pagabantayan it mayad it Senado ro reconstruction sa parte it Mindanao nga gin-uyog it mabaskog nga linog.

Ginpasiguro ni Acting Senate President ag Senate President pro-tempore Win Gatchalian nga pagagamiton ro available funds para sa pagpa-obra it mga naguba nga mga imprastraktura sa pilang mga probinsya sa Mindanao nga ginwasak it linog.

Kaibahan kara ro pag-ayos sa mga tulay, karsada, eskwelahan, tindahan ag iba pa nga pampubliko nga imprastraktura.

Ginpasiguro man ni Gatchalian nga makataeana it pondo para sa pagpadayon it reconstruction sa idaeum it 2027 national budget.

Sambilog man sa pagatutukan it Senado ro pagrepaso sa National Building Code para mas masiguro ro integridad ag kapag-on it mga public infrastructures.