Resonable ro proposisyon ni Sen. Robin Padilla nga panabaon ro age limit it criminal liability.
Raya ro ginpahayag ni Atty. Axel Gonzales, sangka political analyst.
Suno kana, dag-ong 1930s hasta 2006 hay ro pinakamanaba nga edad sa criminal liabilty hay 9-anyos. Apang kat ginsponsoran ni Sen. Francis “Kiko” Pangilinan ro Juvenile Justice law hay ginpataas raya sa 15-anyos.
Bangud kara, gina-abuso man sigon it mga sindikato ro nasambit nga laye kun sa siin ginagamit nanda ro mga inunga sa pagpanakaw, pag-duso it droga, ag kun alin pa nga ilegal nga hilimuon bangud sayod nanda nga indi ro mga raya makulong.
Dugang pa nana, ro edad nga 15-anyos hay pwede eon maghimo it krimes.
Paathag pa ni Atty. Gonzales, sa pihak nga resonable ro proposisyong pagpanaba it age limit sa nasambit nga laye, mabahoe gihapon ro posibilidad nga indi raya makaeusot sa Kamara bangud nga kontra ni Sen. Padilla ro mga nakapungko sa pwesto.
Nagakadapat eon lang sigon raya nga amyendahan bangud nga gina-abuso eon raya.
Padumdom man nana sa mga ginikanan nga dapat indi maging kampante, taw-an it atensyon ro mga unga, ag indi pagpabay-an nga kun siin-siin eamang naga-panaw.
Dapat man sigon nga mag-angkon it nagakaigong penalidad para sa mga ginikanan agud nga mapunggan eon ro mga karahasan nga ginaka-imbolbaran it mga kabataan.
