Ginpabaskog pa it House prosecution panel ro andang legal team matapos ipakilaea ro pangaywang batch it private prosecutors nga magabulig sa pag-bista kay Vice President Sara Duterte sa nagahilapit nga impeachment trial sa Senado.
Kaibahan sa mga bag-ong private prosecutors sanday Atty. Theodore Te, Atty. Reynaldo Robles, Atty. Arnold Labay, ag Atty. Mae Divinagracia.
Suno sa House prosecution, ro ap-at hay may maeawig nga eksperyensya sa constitutional law, criminal ag civil litigation, election law, corporate law, human rights, ag legal education.
Makaibahan nanda si Atty. Benjamin Tolosa ag ro unang grupo it napueong private prosecutors sa pag-dihon it ebidensya kontra sa bise presidente.
Paga-atubangon ni VP Duterte ro impeachment trial angot it mga alegasyon it saea sigon nga paggamit it P612.5 milyong confidential funds, bukon it minatuod nga deklarasyon sa anang SALN, unexplained wealth, ag mga pagpamaeag nga pahayag kontra kanday Pangueong Ferdinand Marcos Jr., First Lady Liza Araneta-Marcos, ag dating House Speaker Martin Romualdez.
