Pagapasakaon makaron nga dominggo sa Sandiganbayan ro kasong plunder kontra kay Senador Rodante Marcoleta angot it P75 milyon sigon nga campaign donations para sa anang kandidatura ku 2025.
Kaibahan man sa mga paga-kasuhan sanday dating kongresista Mike Defensor ag sanday Aristotle Viray at Joseph Espiritu, nga nag-tao sigon it kabilugan nga P75 milyon bilang donasyon sa kampanya ni Marcoleta.
Base sa reklamo, uwa sigon nalista ro nasambit nga haega sa Statement of Assets, Liabilities and Net Worth (SALN) ni Marcoleta.
Sa ana mat-ang ginsumite nga eksplinasyon, ginpamilit nana nga uwa eon gin-eakip ro mga donasyon sa anang SALN bangud nagamit eon ro mga raya para sa mga gaeastusong may kaangtanan sa eleksyon ag bukon eon it parte it anag mga propyedad.
