Nagpaguwa it hold departure order ag bag-ong warrant of arrest ro Sandiganbayan Fourth Division kontra kanday Sen. Rodante Marcoleta ag dating Anakalusugan Rep. Michael Defensor angot it kasong pageabag sa Presidential Decree No. 46.
Ro reklamo hay may kaangtanan sa pagbaton sigon ni Marcoleta it campaign donations antes ro national election ku 2025.
Presenteng nakadetine si Defensor sa New Quezon City Jail–Male Dormitory sa idaeom it commitment order it Sandiganbayan Third Division, nga naga-buyot man sa bueag nana nga kasong plunder.
Samtang, nagapabilin si Marcoleta sa PNP General Hospital sa Camp Crame matapos sigon makaeksperyensya it komplikasyon sa ikamayad nga eawas kasunod it anang pagkaaresto ku Hulyo 6.
Suno sa Sandiganbayan, parte ro mga tikang ngara it pagpatuman it laye kontra sa mga pageabag nga may kaangtanan sa pondo ag campaign donations sa tyempo it eleksyon.
Padayon man nga gina-abangan it publiko ro masunod nga mga pagpamati sa kaso bangud sa mataas nga interes sa istorya.
