Ginatun-an it Social Security System (SSS) ro pagtaeana it P40 bilyon para sa sangka loan program nga magabulig sa mga miyembro sa pagpakabit it residential solar panels.
Target rayang ilunsar sa ulihing parte it 2026 ukon unang parte it 2027.
Pwedeng mag-utang ro mga miyembro it P300,000 hasta P400,000 nga pagabayran sa sueod it ap-at hasta pitong dag-on, kun siin ginaeaumang makapanipueos ro una sa 100,000 kabaeayan.
Ginapahaom ro programa samtang naga-abo ro mga Pilipinong naga-gamit it rooftop solar systems para mabawasan ro gaeastuson sa kuryente.
Samtang, gintun-an man it SSS ro posibleng pagpaeawig it Pension Reform Program (PRP) matapos ro 2027.
Ku 2025, umabot sa P142.97 bilyon ro net income it ahensya ag eumampas sa P1 trilyon ro reserve funds kara, nga magaserbeng basehan sa pagpadayon it mga benepisyo para sa mga miyembro ag pensyonado.
