Ginpahayag ni Senador Panfilo “Ping” Lacson nga natumod eon sigon nanda ro ginahambae nga bagman nga una sigon sa likod it mga ginakabig nga ghost flood control projects sa Taguig City.
Suno sa senador, padayon ro pag-kolekta it ebidensiya nga nakadepende sa ginapatigayon nga imbestigasyon ag magiging aksyon it Ombudsman.
Ginahambae man ni Lacson nga kaibahan sa mga proyektong gina-usisa ro mga nakalista sa idaeom it construction firms it mag-asawang Curlee ag Sarah Discaya.
Dugang pa nana, nataeupangdan it anang grupo nga pilang proyekto sa Taguig halin 2020 hay nakapangaean sa mga kumpanya ngara apang ginpatuman it ibang partido.
Buyot man sigon it anang grupo ro mga kopya it tseke, sa pihak nga padayon pa ro beripikasyon sa mga nataeupangdan.
Ginpamilit ni Lacson nga posibleng may mga depektibo, substandard, ukon ghost projects ag parte sigon ro mga raya it mas maeawig nga kickback scheme.
Samtang, mahugot man nga ginpamalibaean ni Senador Alan Peter Cayetano ro mga alegasyon ag ginpamilit nga uwa it ghost projects sa Taguig ag uwa man it kasong ginpasaka kontra kana angot it isyu.
