Temporaryong nakahilway si dating Senador Ramon “Bong” Revilla Jr. matapos magpiyansa it ₱1 milyon sa kasong malversation, kasunod it pag-apruba it Sandiganbayan Third Division sa anang petisyon para sa temporaryong kahilwayan samtang nagapadayon ro pagbista.
Ginpasugtan it korte ro piyansa bangud sa kakueangan it mapag-on nga ebidensyang gin-presenta it prosekusyon sa presenteng yugto it pagpamati.
Gumuwa si Revilla sa Quezon City Jail Male Dormitory sa Payatas bandang alas-6:15 it gabie.
Nagapangatubang si Revilla sa mga kasong graft ag malversation angot it gina-alegar nga ₱92.8-milyong “ghost flood control project” sa Pandi, Bulacan.
Ro anang petisyon eamang sa piyansa ro ginpaboran it korte, samtang ginbasura ro hinyo it anang mga kapwa-akusado.// Nauna eon man imaw nga naka-pyansa it ₱90,000 para sa bueag nga kasong graft.
