Ginkumpirma ni Gilas Pilipinas head coach Tim Cone nga makaibahan eon sa fourth window it 2027 FIBA World Cup Asian Qualifiers si Kai Sotto.
Ginpahayag ni Cone nga nagpaidaeum eon si Sotto sa andang training ko adlaw it Lunes.
Dugang pa kara nga magiging mabahoe nga yabe sa kadaeag-an it Gilas si Sotto kun sa siin ulihing nakahampang raya sa national team ko 2025 FIBA Asia Cup Qualifiers.
Umpisa kato hay owa eon nakahampang pa ro 7-foot-3 matapos nga mag-angkon it anterior cruciate ligament (ACL) sa anang waea nga tuhod ko Enero 2025.
Mag-eowas pa kay Sotto hay ginaeauman man ro paghampang ni Justin Brownlee nga nagapamayad it anang injury.
May una nga 10 adlaw ro Gilas Pilipinas para pahauman ro nasambit nga torneo.
Maka-atubang it Gilas ro Jordan sa maabot nga Aogsto 28 samtang ro Iran man sa Agosto 30 nga pagahiwaton sa Pilipinas.
