Ginatimbang pa it House prosecution panel kon igasalang bilang testigo si Ramil Madriaga sa impeachment trial ni Vice President Sara Duterte.
Ayon kay House prosecutor Terry Ridon, nakataeana pa eamang maghimo it pinal nga desisyon ro panel angot it pagtestigo ni Madriaga, nga makapilang beses eon man nga ginkwestyon it depensa ro anang kredibilidad.
Madumduman nga nagdihon it ikaywang reklamong perjury ro kampo it bise presidente kontra kay Madriaga, nga nagaakusa kana it paghimo it false statements sa anang supplemental affidavit.
Naungkat ro nasambit nga isyu matapos isalarawan ni Atty. Paolo Panelo ro posibleng pag-atubang ni Madriaga sa pagbista bilang “funeral” it prosekusyon ag ginpahayag nga pagaeamunon imaw it defense sa cross-examination.
