Masobra sa 2,500 katawo eon ro namatay sa Ebola outbreak sa Democratic Republic of Congo, samtang padayon nga madasig nga nagakalhit ro sakit sa sangka lugar nga mas maeapad pa kaysa sa France.
Suno kay United Nations Ebola coordinator Julien Harneis, uwa eon nakakasabay ro response operations bangud sa madasig nga nagkalhit ro outbreak.
Nagpanawagan man imaw it dugang nga bulig bangud sa maubos eon sigon sa sueod it pilang dominggo ro presenteng pondo it organisasyon para solusyunan ro epidemya.
Ro presenteng outbreak ro ika-17 Ebola epidemic sa Congo ag ko ulihing bahin it Hulyo hay naeampasan eon kara ro dating pinakamabahoe nga outbreak sa nasyon nga natabo halin 2018 hasta 2020, base sa numero it mga tinamaang kaso.
Ro outbreak hay tuga it Bundibugyo species it Ebola, kon sa siin uwa pa it aprubadong bakuna ukon bueong para kara.
Samtang, kapin sa 160 health workers eon sigon ro nagakasakit ag 43 kanda ro namatay.
