Ginpang-usisa it House Prosecution panel ro mga ebidensya, testimonya ag iba pang impormasyon nga may kaangtanan sa kaso kontra kay Vice President Sara Duterte matapos uwa madayon ro daywa ka trial day bangud sa kalamidad.
Suno kay panel adviser ag dating Representative Ace Barbers, ginpanghimuslan it prosecutors ro dugang nga daywang adlaw agud pabaskugon ro andang kaso ag magplano it mga testigo ag ebidensya nga ipresentar sa mga masunod nga pagdinig.
Bisan ro kanselasyon it daywang ka trial day, naging produktibo gihapon suno sa pag-usisa it panel.
Ginahuna-huna man it House ro posibilidad nga dugangan it isaeang adlaw ro tatlong adlaw kada dominggo nga trial schedule, posible sa Biyernes, agud mapadasig ro pag-uswag it kaso.
Samtang, ginatutukan eon ro Article 1 nga may kaangtanan sa confidential funds ni VP Sara.
Suno kay Barbers, mas mangin interesado pa ro masunod nga mga pagdinig bangud sa kaabuon it ebidensya nga buyot it panel.
Ginapaabot man it House panel nga pagapasugtan it Impeachment Court ro pagdeklara kay Edward Fajarda bilang hostile witness.
Si Fajarda ro ginplano nga isunod nga testigo kay Gina Acosta, nga parehong special disbursing officer sa idaeom it daywang ka opisina ni VP Sara.
