Gin-bawi ni dating security aide Orly Guteza ro una nana nga affidavit nga may sueod nga mga alegasyong naghatod imaw it mabahoe nga haega it kwarta sa baeay ni dating House Speaker Martin Romualdez sa Forbes Park, Makati.
Ginpamilit nana sa bag’ong pahayag nga uwa imaw it direktang kontak kay Romualdez ag uwa nana raya nakita sa nasambit nga lugar.
Suno kay Guteza, bukon eamang sigon kwarta ag scholarship ro naging rason it anang pagsunod sa mga ginapa-ubra kana, kundi pati eon man ro kahadlok ag mga promisang nabaton nana halin kanday Sen. Rodante Marcoleta ag dating kongresista Mike Defensor.
Ginhambae man nana nga napilit imaw nga maghambae it mga bagay nga bukon sigon it mintuod.
Nagpangayo it pasaylo si Guteza ag nagpahayag it pag-sisisi sa anang pangka-imbolbar sa kontrobersiya, samtang gusto eon lang sigon nana nga magpangabuhi it mahipos kaibaha ro anang pamilya.
Madumduman nga ap’at pang dating security aide nga nag-pasibangud kay Romualdez ag iba pang personalidad angot it gina-alegar nga anomalya sa flood control projects ri ginreport nga nag-bawi man sa andang mga testimonya.
