Magkaibahan nga magasanay sa Japan ro mag-manghod nga gymnast nga sanday Carlos ag Eldrew Yulo bilang preparasyon nanda sa masunod nga Asian Games sa Nagoya, Japan.
Suno kay Gymnastics Association of the Philippines president Cynthia Carrion, magkampo sanda sa Tokushukai daywang dominggomana antes mag-umpisa ro kompetisyon, ag diretso eon sa Asian Games.
Si Carlos ro ginakabig nga isaea sa mga paborito nga makabuoe it gold medal bangud sa anang daywang ka Olympic gold medals ag maabo nga world championships.
Si Eldrew man hay ginapaabot nga makatao it sorpresa sa kompetisyon.
May posibilidad man nga pareho nga makabuoe it medalya ro mag-manghod, pareho sa natabo sa Asian Championships sa Zunyi, China dayang dag-on, kung sa siin nakabuoe it gold si Carlos samtang bronze man kay Eldrew.
Samtang, mag-kaibahan man sa training camp sa Japan sanday Juancho Miguel Besana, Justine Ace de Leon ag Zachary Nunez, nga magasanay sa Sohgoh Gymnastics Club sa unang parte it Setyembre antes magdayon sa Asian Games.
