Ginrekomendar ni Presidential Adviser on Cordillera Affairs Assistant Secretary Antonio Tabora ro paggamit it tunneling method sa paghimo it mga karsada sa Pilipinas, partikular sa mga mabukid ukon bulubunduking lugar.
Suno kay Tabora, makabulig ro sistema ag mabuhinan ro pagkasamad sa mga karsada nga resulta it mga bagyo, baha, pagkasamad it eugta ag pagkahueog it mga kahoy.
Suno pa sa opisyal, mas sangkiri man ro maintenance nga kinahangean sa mga tunnel kumpara sa mga karsada nga mas madaling maapektuhan it mga kalamidad.
Ginagamit eon man ro makara nga teknolohiya sa Japan ag South Korea.
Nagapati si Tabora nga may sakto eon nga abilidad ag teknolohiya ro Pilipinas para ipatuman ro tunneling method, samtang mahimo man nga mangayo it dugang nga kasayuran ag teknikal nga bulig sa ibang mga pungsod.
