Nagasto eon it masobra P8 bilyon it Commission on Elections ukon Comelec sa preparasyon para sa naka-iskedyul nga Barangay ag Sangguniang Kabataan Elections ukon BSKE 2026.
Suno kay Comelec Chairman George Garcia, mabahoe nga parte it pondo hay nagamit sa paghanda it mga election paraphernalia, eakip ro pag-imprenta it mga balota.
May nabilin pa nga P11 bilyon nga pondo para sa honoraria it mga maestra nga magserbisyo sa eleksyon, training ag deployment it mga election equipment.
Nakaeskedyul ro BSKE sa unang dominggo it Nobyembre 2026, apang may panukaea nga ipagpaliban eon lang raya.
Sa gihapon, padayon ro preparasyon it Comelec samtang uwa pa it opisyal nga kanselasyon ukon postponement.
Suno kay Garcia, nagapahaum man ro Comelec it mga contingency plan bangud posible nga mag-abot ro tyempo it pagbaha sa Nobyembre.
Kinahangean nga may mga nakapahaom nga plano kun matabo nga mahimo nga magbaha antes ukon sa mismong adlaw it eleksyon.
Samtang, ginbanabana nga eapit sa 70 milyon nga Pilipino ro kwalipikado nga makaboto sa BSKE 2026, base sa datos it Comelec.
