Masobra sa sang buean eon umpisa nga sekreto nga ginkasae ro aktres nga si Bea Alonzo sa negosyanteng si Vincent Co sa Makati City Hall ko Hulyo 13, ginpakigbahin nana nga masadya imaw sa anang kabuhi nga may asawa.
Suno kana nga makaron nga magkaibahan eon sanda sa sangka baeay hay kakaiba ro anang pamatyag nga adlaw-adlaw sanda nga magkaibahan nga nagabugtaw bilang mag-asawa.
Samtang, ginpahayag it aktres nga mas ginpili nanda nga maging pribado ro andang civil wedding bangud nga gusto nanda nga maging personal ro importanteng okasyon ag para eamang kanda nga daywa.
Sa pihak it pagiging bag-ong kasae, owa nagpahuway sa trabaho si Bea ag ginpadayun ro taping it anang serye nga Whispers From Heaven. Kaibahan nana sa proyekto sanday Direk Zig Dulay, Maricar Reyes ag Tom Rodriguez.
