Ginatun-an it mayad it House Prosecution Panel kun igapresentar si Col. Raymund Dante Lachica sa impeachment trial nga gina-alegar nga gintaw-an it 500-million pesos nga confidential funds it Office of the Vice President (OVP).
Suno kay House Prosecutor ag Manila Rep. Joel Chua, paga-isipan nanda kon kinahangeanon pa ro testimonya ni Lachica nga nauna eon nga nagpahayag it kahauman nga magatambong kon igapatawag sa trial kontra kay Vice President Sara Duterte.
Gin-ako ni Chua nga makahaeadlok ro pahayag ni Lachica nga haum imaw nga magpungko sa witness stand bangud owa sanda makasayod kon ano ro una sa isip kara bilang sangka hostile witness ag bukon man sanda it sigurado kun magasugid imaw it matuod ukon basi may una imaw nga ginpahaum nga script.
