Naninahan ro 45-anyos nga eaeaki matapos nga raya sigon hay eampusan it bote sa ueo ag gin buno sa tuo nga bahin it tiyan sa natabo nga away sa Barangay Baybay, Tangalan, Aklan, adlaw it Martes, Setyembre 1, 2026.
Suno kay Police Major Jason Mausig, Chief of Police it Tangalan Municipal Police Station, natabo ro insidente bandang 10:54 it agahon samtang nagainom ro biktima ag ro 51-anyos nga suspek, nga pareho residente it nasambit nga lugar.
Base sa inisyal nga imbestigasyon, nag-umpisa ro komprontasyon matapos uwa pagsugtan it biktima nga mag-uli ro isaeang ka tigueang nga kaibahan nanda sa pag-inom. Nagpadayon ro diskusyon hasta nga sigon gin eampusan it bote ro biktima.
Tatlo ka beses sigon nga gin eampusan sa ueo ro biktima ag may igo man sa tuo nga bahin it tiyan matapos raya nga bun-on.
Matapos mareport ro insidente, nagresponde ro mga kapulisan sa lugar ag natunton ro lokasyon it suspek.
Nasapwan raya ag gindakop ku ulihi.Gindaea man ro biktima sa Provincial Hospital para sa medikal nga kinahangean it bangud sa posibilidad nga may mga tipik it basag nga bote nga nag-sueod sa nina. Suno sa kapulisan, nagapahayag ro biktima nga magpasaka it reklamo kontra sa suspek
Kon mapadayun ro reklamo, posible nga pasakaan it kaso nga attempted homicide ro suspek.
Samtang, una eon sa kustodiya it Tangalan Municipal Police Station ro suspek ag ginapadayon ro imbestigasyon sa insidente.
