Nag-dihon it not guilty plea si dating DPWH chief Manuel Bonoan sa kasong graft sa Sandiganbayan Second Division.
Ro kaso hay angot it pakikipagsabwatan sigon nana niya kay Senator Jinggoy Estrada para ma-eakip sa 2025 national budget ro mga flood control project sa Bulacan, kun siin ginahambae nga nakabaton it ₱213.7 milyon nga kickback ro senador.
Matapos ro arraignment, ginhambae it korte nga magapadayon ro pre-trial proceedings, sa pihak nga bukon pa it haum ro kampo ni Bonoan bangud uwa pa kara nasumite ro pre-trial brief.
Samtang, ginpadayon it korte ro pilang parte it pre-trial, kaibahan ro pag-istoraya it magtimbang nga bahin sa mga facts nga posibleng pagkaisahan.
Nauna eon nga nakahilway si Bonoan halin sa hospital arrest matapos ibasura it Sandiganbayan Fifth Division ro bueag nana nga plunder case.
Apang, nagapabilin imaw nga akusado sa graft case ag nagdihon eon man it motion for reconsideration matapos pamalibaran it Second Division ro hinyo nga kakason imaw sa nasambit nga kaso.
