Uman nga ginkilaea ro Local Government Unit (LGU) it Kalibo bilang Best Booth sa ginpatigayon nga ika-37 Philippine Travel Mart sa SMX Convention Center.
Ro nasambit nga pasidungog hay pagkilaea sa kahugod, talento ag dedikasyon it andang team sa pagbilog it booth nga nagatampok sa bugana nga kultura ag tradisyon it Kalibo.
Tampok sa booth ro mga produktong himo sa hinabing piña fiber, nga nagasaeaming sa kamayad it mga lokal nga manughaboe kamana man ro mainit nga pagbaton sa mga bisitang nagtambong sa travel expo.
Nagpasaeamat ro LGU Kalibo sa Philippine Tour Operators Association (PHILTOA), sa mga master weaver, ag maabong iba pa sa andang pagpasakop sa Philippine Travel Mart.
Suno sa LGU, magaserbing inspirasyon ro nasambit nga pagkilaea agud padayon nga itib-ong ag maipakilaea ro kultura ag turismo it Kalibo sa mas maabong turista.
