Nakataeanang magbiyahe paagto sa France si Ombudsman Jesus Crispin “Boying” Remulla agud makipag-angot sa mga awtoridad idtu angot sa pagpabilin nanday dating Ako Bicol Rep. Zaldy Co ag Sen. Loren Legarda sa nasambit nga nasyon.
Suno kay Remulla, gusto nana nga makipag-angot sa French authorities agud masiguro nga indi magiging eowas nga paeanaguan ro France para sa mga tawong nagapangatubang sa mga kasong plunder ag iba pang alegasyon it korapsyon sa Pilipinas.
Si Co hay nagapangatubang sa daywang kaso it malversation nga ginpasaka kontra sa gina-alegar nga non-existent nga P77-milyong flood control project sa Bulacan ag P289.4-milyong road dike project sa Oriental Mindoro nga ginasugid nga may mga structural deficiencies.
Samtang, nagapangatubang man si Legarda sa plunder complaint sa Ombudsman. Kaibahan man sa mga alegasyon ro anang unga nga si Batangas Rep. Leandro Leviste. Parehong ginpamalibaran nanday Co, Legarda ag Leviste ro mga pasibangud kontra kanda.
Suno kay Remulla nga owa imaw it impormasyon kun nag-apply eon it asylum sa France sanday Co ag Legarda, sa pihak nga posible sigon raya nga matabu.
