-- ADVERTISEMENT --
Ginapabaskog it Bureau of Fisheries and Aquatic Resources (BFAR) Region 6 ro industriya it asin agud mapaeapad ro lokal nga produksyon ag mabuhinan ro pagsalig it nasyon sa imported nga asin.
Nagtaeana ro ahensya it masobra sa P1.5 milyon pesos sa mga pasilidad para sa produksyon ag tambakan it asin.
Suno sa BFAR, makabulig ro mga pasilidad agud mabuhinan ro labor-intensive nga tradisyunal nga pamaagi sa pag-obra it asin ag malikawan ro pagkalugi tuga it uean ag mataas nga hamog.
Kaparte ro programa it Development of Salt Industry Project (DSIP) nga nagatuyong buhion ro lokal nga industriya it asin sa pinaagi it modernong teknolohiya, imprastraktura ag pag-ensayo para sa mga coastal community.
