Ginpasugtan it Senate Impeachment Court ro paggamit bilang ebidensiya it mga financial record halin sa Anti-Money Laundering Council ukon AMLC nga may kaangtanan kay Vice President Sara Duterte sa nagapadayon nga impeachment trial.
Suno kay Senate Impeachment Court spokesperson Atty. Reginald Tongol, ginusisa ni Presiding Officer Francis Escudero ro mga dokumento ag natumod nga indi kara i-bulgar ukon makompromiso ro confidential investigative methods it AMLC.
Ginakabig sigon nga legal exception sa mahugot nga anti-money laundering laws ro impeachment proceedings.
Para pormal nga maieakip sa records it pagbista, igapatawag sa paagi it subpoena si AMLC Executive Director Ronald Buenaventura agud i-authenticate ro mga dokumento ag ipaathag sa mga senator-judge ro findings it konseho.
Ro mga AMLC record hay kaibahan sa ebidensiyang gina-usisa sa Article II it impeachment complaint nga naga-talakay sa alegasyon it unexplained wealth.
