Nag-plead it not guilty si dismissed Department of Public Works and Highways (DPWH) official Brice Hernandez ag an-um nga iba pang dating tawuhan it Bulacan First District Engineering Office sa kasong graft angot sa gina-alegar nga P77-milyong ghost flood control project sa Balagtas, Bulacan.
Kaibahan nga nagdihon it not guilty plea sanday dismissed DPWH officials Jaypee Mendoza ag Juanito Mendoza, kamana man sanday Arjay Domasig, Niño Morales, Floralyn Simbulan ag Christina Pineda, nga sa floating status.
Gintaw-an man it korte it 10 adlaw ro ap-at nga opisyal nga una sa floating status agud nga ipaathag kun ham-an nga indi sanda dapat ipaidaeum sa preventive suspension samtang ginapamatian ro kaso.
Sa arraignment, ginturo it depensa nga nakabaehag sa criminal information nga owa it gin-rekomendang piyansa maskin nga bailable offense ro graft. Ginhinyu man it prosekusyon nga amyendahan raya agud nga magtaeana it P90,000 bail.
Ro kasong graft hay may kaangtanan sa flood control project nga gintau sa SYMS Construction Trading ag gindeklarang 100% complete ko Mayo 2, 2025.
Sa pihak kara, ginpahayag it Office of the Ombudsman, nagguwa sa inspeksiyon nga owa sigon it aktuwal nga flood control structure sa lugar. Ro nasambit nga alegasyon hay kaparte it kasong kinahangean nga pamatud-an it prosekusyon sa korte.
Nauna eon nga nag-plead not guilty ro pitong akusado sa separado nga malversation charges angot sa parehong proyekto.
Sanday Hernandez, Domasig, Pineda ag daywang Mendoza hay nagapangatubang man sa magkaseparado nga graft ag malversation cases angot man sa sambilog pang gina-alegar nga ghost flood control project sa Pandi, Bulacan.
