Ginapabaskog it Department of Education (DepEd) ro mga operational protocol kara agud pahaumon ro mga eskwelahan sa posibleng epekto it El Niño sa sektor it edukasyon.
Suno kay Education Secretary Sonny Angara, kaibahan sa mga estratehiya ro padayon nga risk assessment, pag-update it contingency plans, ag pagpahao it flexible learning options para sa daeayon nga pag-tuon.
Ginmanduan man ro mga personnel nga padasigon ro pagpasueod it mga konsepto it climate change sa curriculum sandig sa direktiba ni Pangueong Ferdinand “Bongbong” Marcos Jr.
Dugang pa kara, ginmanduan ro mga eskwelahan nga panamion ro water, sanitation, ag hygiene facilities agud masiguro ro euwas nga ieimnong tubi ag maayos nga bentilasyon sa mga eskwelahan.
Ro mga tikang ngara hay nagatuyo nga protektahan ro ikamayad nga eawas it mga estudyante ag maestro antes pa man mag-abot ro mga mas mainit nga buean.
