Ginpasugtan it International Criminal Court (ICC) ro prosecution nga gamiton bilang ebidensya ro naunang testimonya it sangka witness nga may impormasyon sigon angot sa operasyon it Davao Death Squad (DDS) sa kaso ni dating Pangueong Rodrigo Duterte.
Sa desisyon it Trial Chamber III ko Oktubre 2, ginpasugtan ro written statement it witness nga nakilaea bilang “P-1100”, matapos makita it mga hukom nga may kaangtanan ro kaundan kara sa background ag konteksto it kaso.
Sa pihak kara, ginpamilit it ICC nga pwedeng kuwestiyunon it depensa ro testimonya, kaibahan ro ginhalinan it kasayuran it witness ag ro mga konklusyon ukon opinyon kara. Owa man sigon raya awtomatikong ginakabig nga expert evidence bangud eamang sa propesyonal nga estado it witness.
Nakataeanang umpisahan sa Nobyembre 30, 2026 ro pagbista kay Duterte sa ICC angot sa mga kasong crimes against humanity nga gina-angot it prosecution sa kampanya kontra ilegal nga droga.
