Gintuead ni Batangas 1st District Representative Leandro Leviste ro anang sitwasyon sa gindangatan it national hero nga si Dr. Jose Rizal.
Sa anang pahayag, ginmitlang ni Leviste nga gin-aresto ag ginbitay si Rizal sa edad nga 35 matapos raya nga magbalik sa Pilipinas. Suno kana nga mas eamang nga nagpa-init sa rebolusyon kontra sa mga Kastila ro pagpamigos nga naeksperyensiyahan it nasambit nga baganihan.
Ginpakigbahin man ni Leviste nga ginbakae nana ro sangka baeay sa Wilhelmsfeld, Germany, kun sa siin, nag-istar ag nagsueat si Rizal, agud nga raya hay mapreserba ag magserbing inspirasyon sa mga Pilipino.
Madumduman nga nag-isyu it warrant of arrest ro Makati Regional Trial Court Branch 235 kontra kay Leviste ko Oktubre 5 angot sa gina-alegar nga pageabag sa Public Service Act.
Sa makaron, nagapabilin sa France si Leviste agud nga ibhan ro anang inang si Senador Loren Legarda, nga magpaidaeum sa pagpabueong para sa kondisyon sa baga ag autoimmune disease.
