Nagtuga it alarma sa mga bombero ag awtoridad sa Italy ro sangka siyam nga dag-on nga unga matapos nga mag-obra it AI-generated nga litrato it sawa nga medyu nagapaguwa sa toilet bowl.
Natabu ro insidente ko Nobyembre 12 sa Castelfidardo. Bangud nga gin-eaum it anang mga kaibahan sa baeay nga matuod nga sawa ro sa litrato, insigida sanda nga nagpangayo it bulig sa emergency services.
Haeos 48 oras nga nagpatigayon it pag-usoy ro mga bombero ag wildlife authorities bago matukiban nga himo eamang sa AI ro litrato. Gin-aku it unga nga naggamit imaw it AI app agud nga idugang ro sawa sa mga ginbo-oe nana nga litrato it andang comfort room.
Nagpangayo man it pasaylo sa disturbo nga gintuga it insidente sa mga awtoridad. Owa eon ginkasuhan ro unga bangud nga indi pwedeng magapanabat ukon owa it criminal liability ro mga unga nga naga-edad it 14 anyos sa idaeum it laye sa Italy.













