BALITANG Espesyal —- Presenteng gina-export sa nagkaeain-eain nga nasyon ro Indlovu gin, ro kakaibang gin nga ro main ingredient hay naghalin sa higku ukon popo it elepante!
Gin-imbento ro Indlovu gin it mag-asawang biologists nga sanday Paula ag Les Ansley, kat sanda hay mag-istar sa South Africa.
Nag-umpisa ro andang ideya kat unang beses nga nagbisita sa sangka animal reserve sa South Africa.
Natukiban nanda nga mapili ro mga elepante sa andang ginakaon nga mga tanum ag prutas.
Nasayuran man nanda nga 50 porsiyento eamang it ginakaon it elepante ro gina-digest rason nga ro mga tanum ag prutas nga ginakaon kara hay bilog nga nagaguwa sa higku.
Ro proseso sa pag obra kara hay ginapamaea anay ro higku antes nga mag-agi sa sterilization process.
Pagkatapos ma-sterilize, pagabanlawan raya ag uman nga pagapamaeahon .//ro ulihing stage kara hay igahalo eon sa gin.
Ko 2019 unang ginpaguwa sa merkado ro gin ag maabu ro nagdayaw sa anang lasa.
Suno sa mga naka-testing nga mag-inom, may una raya nga “earthy, grassy-type flavor”.
Sa makaron, 15% it ginakita halin sa Indlovu gin hay gina-donate sa pag-alaga it mga elepante sa South Africa.
