Ginlunsar it Armed Forces of the Philippines (AFP) ro bag-ong offshore patrol vessel nga BRP Rajah Sulayman sa Ulsan, South Korea ku Miyerkules, Hunyo 11.
Nagtambong sa seremonya si AFP Chief General Romeo Brawner Jr. kaibahan si Hyundai Heavy Industries Chief Operating Officer ag Senior Executive Vice President Joo Won Ho.
Suno sa AFP, ro paglunsar hay pamatuod it mabaskog nga koneksyon it Pilipinas ag South Korea sa pagpabaskog it maritime security ag self-reliant defense capabilities it nasyon.
Ginpamilit ni General Brawner ro kahaegahan it BRP Rajah Sulayman sa pagpabaskog it maritime defense ag operational capabilities it Philippine Navy.
Ro bag-ong barko, nmga ginpangaean sa maisog nga lider it Maynila nga si Rajah Sulayman, hay nagapasaidaeom sa diwa it kahilwayan ag katatagan, suno sa AFP.
Pinaagi kara, uman nga ginsiguro it AFP ro andang panata nga protektahan ag paunlaron ro kapasidad it nasyon sa pag-alaga it kaeawrang sakop kara.
