KALIBO, Aklan—Nakataeana eon nga mag-umpisa hin-aga nga adlaw it Lunes ro sang dominggo nga event it Aklan Kulture Movement Expose sa pagpanguna it Aklan Provincial Youth Development Office kaibahan ro Aklan Sangguniang Kabataan Federation kadungan it selebrasyon it Linggo ng Kabataan.
Suno kay Ann Legaspi Dela Peña, Youth Development Officer nga pormal nga magabukas ro event hin-aga, Agosto 22 hasta Agosto 28 sa Aklan Trade Hall, Capitol Site, Brgy. Estancia, Kalibo pasado alas-9:00 it agahon hasta alas-7:00 it gabi-i.
Bukas sigon raya sa tanan nga mga young entrepreneurs halin sa 17 nga kabanwahanan it Aklan.
May ginpahaum sigon sanda nga nagkaeain-eain nga aktibidad nga makapukaw sa interes it mga pamatan-on.
Ginakalipay man sigon nanda ro pagbuhos it kapin sa 40 nga mga organisasyon nga gustong magpasakop sa event kung siin 200 porsyento raya nga mas mataas halin sa andang target nga 20 ka mga partisipante.
