Kalibo, Aklan-Sangka Aklanon Singer, ro nag hakot it mga Medalya sa World Championship of Performing Art sa Long Beach California, USA. Raya nga aktibidad hay gina konsedirar as talent Olympics for Performing Art ag ginakabig nga sangka International official competition for performing art. Kung sa siin ging eahukan it 67 ka mga Pinoy nga representanti.
Nakilaea ro Aklanon nga partisepante nga si Reigne Equiña kon sa siin maw ra hay unang nag audition sa Ilo-ilo ko Nobyembre 24 2023 ag ma swerting nakasueod. Sa ilo-ilo man sigon naga audition ro tanan nga mga Aklanon para sa bilog nga bahin it Visayas. Nag desider si Equiña nga mag padayon para sa World performing Arts. Kon sa siin Ap-at kara ro gin intrahan nga styles ag tanan kara hay may anang medalya.
Ro Aklanon Singer na si Reigne Equiña hay nakabuoe it gold medal kon sa siin tie na kara ro UAE sa Vocal Gospel, Silver medal sa Vocal Open, Silver medal man sa Vocal World, ag Bronze medal sa Vocal Broadway.
Dugang pa kara nakabuoe pa si Equiña it Special Award sa Jeff Weber, kon sa siin imaw eamang isaea ro Pinoy nga naka angkon sa nasambit nga award. Ging pabugae pa kara ro sangka custume nana nga hand painted nga abi it kaabuan hay prented, ag nag angkon it kangawahan sa iba, ging dayaw naman kara ro mga local artist ag designer iya sa kalibo ag Aklan ag sa tanan nga mga nag supporta kana.
