NATIONAL News — Ginbulgar makaron ni dating Pangueong Rodrigo Duterte nga nasayuran nana kon siin nagapanago si Kingdom of Jesus Christ (KOJC) leader Apollo Quiboloy, apang pahayag nana nga raya hay nagapabilin nga “secret.”
“Ayaw siguro ni Pastor mag-surrender, eh magtago ka na lang. Pero kung tanungin mo saan si Pastor, alam ko. Alam ko kung san si Pastor, pero secret,” pahayag ni Duterte sa mga reporters sa Tacloban City.
Nasayuran nga si Quiboloy nga nagapabilin nga at large hay nagapangatubang sa mga kasong sexual abuse ag trafficking sa mga korte it Davao City ag Pasig City kasunod it reklamo nga ginpasaka it mga dating miyembro it Kingdom of Jesus Christ.
Madumduman nga kat sa pwesto pa hay ginmandu ni Duterte ro pagtugis sa mga presu nga legal nga napahilway sa idaeum it Good Conduct Time Allowance law.
Si Duterte nga kilaeang kaalyado ni Quiboloy hay nagaserbi man nga administrator it KOJC properties.
Ko nagtaliwan nga buean hay nagka-gulo ro mga awtoridad ag tagasuporta it KOJC sa Davao sa hana nga pagserbi it arrest warrants kontra sa religious leader.
Nagpaandam ro magtimbang nga kampo nga magapasaka it kaso kontra sa kada isaea kasunod it kinagamo.
