KALIBO, Aklan— Ginaistudyuhan eon sa makaron ko traffic section it Kalibo Police Station ro alternatibong ruta it mga tricycle ag pedicab.
Raya ro ginpahayag ni P/Supt Richard Mepania, hepe it Kalibo PNP kasunod it memorandum nga ginpaguwa it Department of Interior and Local Government (DILG) nga nagabawae sa mga raya nga mag-agi sa mga national highway sa bilog nga nasyon.
Suno kay Mepania, kaibahan ro Local Government Unit (LGU)-Kalibo hay ginpueong nanda ro opisyal it asosasyon it mga tricycle ag pedicab kon siin ginpaboran it mga drivers ag operators ro nasambitang plano.
Nasayuran nga ro panawagan sigon nga i-ban ro mga tricycle sa national highway hay kato pang 2007 sa idaeom it Memorandum Circular 2007-01.
Katuyuan kara nga malikawan ro mga aksidente sa daeanon.
Madumdumang gin-ayo it Nagkakaisang Samahan ng mga Nangangasiwa ng Panlalawigang Bus sa Pilipinas Inc. sa DILG nga ipatuman eon it PNP ro nasambitang mandato.
