An-om nga bangkay nasapwan sa sangka maeahaeon nga hotel sa Bangkok

Nasapwan ro bangkay it an-om nga katawo sa kuwarto it sangka maeahaeon nga hotel sa Bangkok, Thailand.

Pila sa mga namatay hay mga Vietnamese ag American nga nakit-ang uwa it kabuhi sa sangka kuwarto it five-star Grand Hyatt Erawan Bangkok.

Nagapati ro mga otoridad nga posibleng ginhiluan ro mga biktima.

Personal nga ginbisita ni Prime Minister, Srettha Thavisin ro lugar kon sa siin ginmanduan ro mga otoridad it madalian nga imbestigasyon.

Uwa imaw naila nga ro insidente hay makasamad sa imahe ag turismo it nasyon.