Una eon sa mayad nga kahimtangan ro ap-at nga bihag nga na-rescue it Israel military sa Gaza.
Raya hay matapos nga makidnap ro ap-at nga indibidwal sa Nova music festival maeapit sa Israel-Gaza border ko ika-7 it Oktubre dag-on 2023.
Kaeakip sa mga nakahilway hay sangka estudyante, security guards ag presenteng imigrante sa Israel.
Ginkilaea ro mga raya nga sanday Almog Meir Jan, 22 anyos it Or Yehuda; Shlomi Ziv nga 41 anyos; si Andrey Kozlov, 27-anyos ag residente sa Rishon LeZion; ag si Noa Argamani , 25-anyos.
Suno sa Israeli government, raya eon ro pangatlong beses nga naging madineag-on ro andang ginpatigayon nga rescue operation samtang padayon man ro pagprotesta sa Tel Aviv Israel it mga residente nga may panawagan nga pahilwayon ro iba pang mga bihag.
Samtang, ginpahayag it Israel Defense Forces (IDF) nga ginsaylo eon ro ap-at sa ‘Sheba’ Tel-HaShomer Medical Center para sa dugang pa nga medical examinations agud mas masiguro ro maayos nga kahimtangan it mga raya.
