POLICE Report — Naninahan ro sangka lolo matapos nga ginhana kara nga eowason ro anang 10-anyos nga apong babaye nga gin-eaum nana nga sa sueod it baeay kat matabu ro sunog sa andang lugar aga-aga it Martes sa Capulong St., Tondo, Manila.
Nag-angkin it mga paso sa alima ag nina sa eawas ro biktimang si alyas Boy kat nagbalik raya sa andang baeay agud nga eowason ro apo.
Suno sa report it Manila Bureau of Fire Protection (BFP), nag-umpisa ro sunog alas-12:28 it aga-aga ag gindeklarang fireout alas-12:44 it aga-aga.
Nag-umpisa sigon ro sunog sa natumbang kandila sa baeay it biktima.
Nasayuran nga owa it suplay it kuryente sa baeay it mga biktima ag nagagamit eamang sanda it kandila.
Suno mat’a sa unga nga naaywan nga naga-isaeahanon sa sueod it baeay, bago ro sunog hay natumba ro kandila nga nabutang sa kaldero ag gintungtong nana sa speaker.
Nakita eon lang sigon it unga nga mabahoe eon ro kaeayo ag nagakasunog eon ro andang baeay rason nga nagdaeagan raya paguwa.
Nasayuran nga apa-t nga baeay ro nasunog nga puro himo sa light materials.
